ORTZEGUN GIZEN  
 
Etxalarko inauteriei herriko haurrek ematen diete hasiera ortzegun gizen egunarekin. Egun honen goizeko partean, haurrak etxez etxe eta baserriz baserri ibiltzen dira eskian, baserritarrez jantzita. Etxekoandreek, gozokiak, fruta, arrautzak eta bertzelakoak oparitzen dizkiete ortzegun gizeneko abestia kantatu ondoren.
Arratsalde partean, Landagain eskolako haurrek, antzerki lanak antzezten dituzte herriari bira emanez leku konkretuetan geldituz antzezteko, kasu gehienetan, edo abesteko. Antzerki hauek, aurreko asteetan probak egiten ibiltzen dira, ortzegun gizen egunean ongi atera dadin. Antzerkia antzeztearen ohitura, aspalditik datorren gauza da. Antzerkien ondotik haurrentzako berendua eta animazioa izaten da herriko plazan.
ORTZEGUN GIZENEKO KANTA
Urtzain gizen
Urtzain gizen
Zingararraultze
bat ez bada bertze
biek hobe (azken estrofa hau berria da)
 
     
 
     
 
  IGANDEAN, KINTOEN BESTA  
 
 
Urte batzuetatik hona, indartu egin da ospakizun hau. Duela urte batzuk, kinto batzuk bertzerik ez ospatzen zuten egun hau. Gaur egun, herriko generazio desberdinak bakoitzak bere kintoekin (urte berdinean jaiotakoekin), bazkari bat eta ondoko parrandarekin ospatzen dute egun hau.

 

 

 

 
     
 
     
 
  INAUTERIETAKO ASTELEHENA  
 
Inauteritako astelehenean, herriko gazteak bi taldeetan banatuta eta baserritarrez jantzita, baserrietatik ibiltzen dira eskian trikitixa eta akordeoiaz alaituta. Hauek, ortzegun egunean bezala, dirua batez ere, arrautzak, fruta eta bertzelakoak lortzeko, ortzegun gizeneko kanta berdina abesten dute. Egunean zehar, hiru otordu egiten dira: Goizen denak gosaltzeko biltzen dira, bazkaltzeko tenorean batzuk Armitx baserrian bazkaltzen dute eta bertze berriz Usazaleen txabolan. Gero gau partean, afaltzeko biltzen dira eta honen ostean musika izaten da, egunari bukaera alaitsu bat emateko.
   
 
     
 
     
 
  INAUTERIETAKO ASTEARTEA  
 
 
Inauterietako asteartea mozorroen eguna da. Goiz partean mozorro eta karrozen erakustaldia egiten da herriari bira emanez, trikitixa eta akordeoiak giroa alaituz. Urte batzuetan leku konkretuetan parodia batzuk antzezten dira. Eguerdian denak bazkaltzeko biltzen dira herriko jatetxe batean. Honen ostean musika, animazioa edo ekitaldiren bat antolatzen da eguna bukatu arte.
     
 
 
 
     
   

Bertze bestak Herriko bestak